連結點

2013年年底，我透過sm識左而家既男朋友
由2014年初一齊到而家
雖然我地係透過SM認識，雖然我地一個係S一個係M
但係我地無一齊玩過SM

同一個M拍拖有咩感覺？
其實無咩特別，佢都無咩係我面前表示過佢既M性
唔傾唔玩SM，不提前事，令我消除左部分疑慮
但有時見到佢係SM界發出回應又令我更擔心
怕佢會私下搵人玩，搵女仔傾

最初開始拍拖既幾個月其實最舒服
因為係最甜蜜既時候
成日會見面，對方真係會做好多野，花好多心機係自己身上
會有種覺得被愛既感覺
但慢慢，對方熱情開始冷卻既時候
會覺得佢唔係好理自己，可以半個月都無見一次，無一開始咁關心自己
果種被冷落既感覺係最難受既

始終咁多年既女S生涯，從來無人咁樣對我
每次被冷落，我都會覺得好唔開心
覺得自己應該有尊嚴，唔應該受到呢種對待
但理智又會同自己講唔好將男朋友同M混為一談

以前習慣呼之則來揮之則去
對待搖頭擺尾既M,我的確很有一套
但對待自己男朋友，以前既做法全部都無用
呢點令我好洩氣

日前男朋友同我講我地少左一種連結，一種共同既野
我懷疑佢開始想放棄呢段感情，想同我分手
但我想努力挽回

其實平等談戀愛對一個做開S既人黎講真係好難
我經常會提醒自己唔好用對M既方法對男朋友
但有時候真係會唔覺意用左S既手法
然後當然得唔到想要既結果
反而令事情變得更差

談戀愛對Kross黎講真係一件好困難既事情
角色不同於女S，長期扮演一個強人，一個被性幻想對像
難得將自己赤裸裸無保留既表現係另一個人面前
將心靈上好既壞既都呈現係對方面前
而對方又樂意接受呢一個自己
呢種感覺係好奇妙既

做得S既人都係驕傲得無可救藥，但又自卑得令人費解

罷了
也許我只是無病呻吟而已